Блок-контейнерлер, вахталық кенттер

Құрамалы панельдік құрылмалар (ҚПҚ) және блок-контейнерлер негізінде жасалған заманауи ғимараттар адамдардың ұзақ уақыт бойы өмір сүруіне қиындық тудыратын жағдайларда жұмыс жасауы және тұруы үшін жайлы жағдайларды қамтамасыз етеді

• Температура деңгейі қатты өзгеріп тұратын аудандарда
• Жетуге жолы қиын аудандарда
• Сейсмикалық жағынан қауіпті аумақтарда

«Мұнай Құрылыс» Қазақстан Құрылыс компаниясы» ЖШС модульдік ғимараттар мен блок-контейнерлердің келесі түрлерінің жеткізілімін ұсынады:

• Құрамалы панельдік құрылмалар (ҚПҚ) негізіндегі ғимараттар
• Толық дәнекерленген блок-контейнерлер
• Сэндвич-панельдерді қолдана отырып жасалған блок-контейнерлер
• Шассиге жайғастырылған вагон-үйлер
• Сүйретпелерге жайғастырылған блок-контейнерлер
• Өзгертілген теңіз контейнерлері негізіндегі блок-контейнерлер
• Құрамалы-бөлшектелетін блок-контейнерлер

Құрамалы панельдік құрылмалар мен блок-контейнерлердің негізгі өлшемдері:

• Сейсмикалық тұрақтылығы 9 балға дейін
• Өртке төзімділігінің III дәрежесі бар
• Ғимараттарды орнатуды кез-келген маусымда жүргізуге болады
• Пайдалану мерзімі – 15 жыл
• Жеке тұратын және оқшауландырылған ғимараттар жеңіл тиелген іргетасқа орнатылады

Құрамалы панельдік құрылмалар

Құрамалы панельдік құрылмалар тұрғын-үй, кеңсе, сауда, спорт және басқа да мақсаттарға арналған ғимараттарды салу кезінде пайдаланылады. ҚПҚ негізіндегі ғимараттардың құрылымы табан, шатыр арқалығы және үстіңгі жабын панельдерінен, қабатаралық тіреуден құралады. Құрылма бұрандама арқылы біріккен бөлшектер арқылы бекітіледі. Сыртқы қабырғаларды қоршайтын құрылмалар ретінде қалыңдығы әртүрлі, (100-300 мм) жылу сақтайтын материалдары бар сэндвич-панельдер қолданылады.

Құрамалы панельдік құрылмалардың артықшылықтары:

• үш қабаттан тұратын ғимараттарды салу
• бөлме ішіндегі төбенің биіктігі 3 метрге дейін
• зауыттан толығымен дайын болып шығарылады
• автокөлік, теміржол көлігінде тасымалдауға, сондай-ақ, «транспакт» орауышымен буып-түйілгендіктен, кейбір жағдайларда су көлігінде тасымалдауға кететін шығындары өте төмен болады
• -65-ден бастап +60 °C-ге дейінгі сыртқы ауа температурасы жағдайында пайдалануға болады

Толық дәнекерленген блок-контейнерлер

Толық дәнекерленген блок-контейнердің негізін иілген болат профильдерден жасалған металл қаңқа құрайды. Профильдер қаңқаның металл элементтеріне жалғанып бекітілетін, қимасы әртүрлі ағаш кесектен балқытып біріктіріледі. Ағаштан жасалған элементтерге өрттен және әртүрлі биологиялық азғалардан қорғайтын құрам жағылады.

Сыртқы қаптауы мырышпен қапталып, пішінделген, полимерлік қабаты бар болат табақтан жасалады. Минералды мақта және фольгаланған пенофол, буды өткізбейтін материал жылу сақтайтын зат ретінде пайдаланылады.

Тапсырыс беруші ішкі өңдеуді өзінің қалауына сәйкес таңдай алады.

Толық дәнекерленген блок-контейнерлердің артықшылықтары:

• Пайдалануға тез беріледі
• зауыттан толығымен дайын болып шығарылады
• блок-контейнерлердің пайдалану қасиеттерін жоғалтпастан, олардың орнын көп рет қайта аустыруға болады
• тағылыққа қарсы тұрады
• екі қабат етіп орнатуға болады
• –60 ден бастап +55 °C-ге дейінгі температура аралығында пайдалануға болады

Сэндвич-панельдерді пайдаланып жасалған блок-контейнерлер

Блок-контейнерлердің бұл түрі механикалық үлкен салмақтарды көтере алатын бөлмелерді ұйымдастыру үшін және аса жағымсыз ортада пайдаланылатын ғимараттар үшін қолданылады. Негізгі қолданылу аясы – электр стансаларын, сорғы қондырғыларын, зертханалар мен басқа да технологиялық нысандарды орнату үшін. Блок-контейнердің негізін тіреу панелі күшейтілген металл қаңқа құрайды. Қабырғаны қоршайтын зат ретінде кесектелген, екі жақты болат табақпен зауытта өңделіп, базальттық мақтамен іші толтырылған, қалыңдығы әртүрлі сэндвич-панелдер қолданылады.

Артықшылықтары:

• Аса жағымсыз орталарға төзімділігі жоғары
• Ауыр салмақты жабдықты қоюға болады
• II дәрежедегі өртке төзімділігі бар

Жүкке арналған (теңіз) контейнерлері негізіндегі блок-контейнерлер

Аталған блок-контейнерлер құрылмасының негізінде жылуды қосымша сақтай алатын, ыңғайлы түрде пайдалануға болатындай етіп жасалған теңіз көлік контейнері жатыр. Бұрышқа арналған тіреу және қабырғаның бүкіл ауданы бойынша орналасқан 3 мм болат табақтан жасалған, өз салмағын өзі көтеріп тұратын қалың қаңқа әртүрлі заттардың ішке енуінен барынша қорғап, аса жоғары деңгейде оның беріктігін қамтамасыз етеді.

Артықшылықтары:

• зауыттан толығымен дайын болып шығарылады
• құрылма беріктігі аса жоғары
• тағылықтан қорғау дәрежесі аса жоғары
• су көлігі түрлері арқылы тасымалдауға болады

Шассиге жайғастырылған вагон-үйлер

Вагон-үй – жұмысшылар мен мамандардың көшпелі бригадаларын уақытша орналастыру және олардың тіршілік әрекетін қамтамасыз етуге арналған, шассиге жайғастырылған жылжымалы ғимарат. Вагон-үйлерді әртүрлі мақсаттарда пайдалануға болады және теміржол көлігі арқылы және де ортақ пайдалануға арналған жолдарда өздігінен сүйретіп тасымалдауға болады.

Вагон-үйлердің артықшылықтары:

• зауыттан толығымен дайын күйде шығарылады
• құрылма беріктігі аса жоғары
• ортақ пайдалануға арналған жолдарда өздігінен сүйретіп тасымалдауға болады

Сүйретпелерге жайғастырылған блок-контейнерлер

Сүйретпелерге жайғастырылған блок-контейнер болат құбырдан арнайы дайындалған шанаға орнатылған, толық дәнекерленген блок-контейнер болып табылады. Мұндай ғимараттар іргетасты қажет етпейді және тікелей топырақтың үстіне орнатыла береді. Тіркеп сүйреу арқылы, автокөлікпен, теміржол көлігімен тасымалданады.

Құрамалы-бөлшектемелі блок-контейнерлер

«Мұнай Құрылыс» Қазақстан Құрылыс компаниясы» ЖШС құрамалы-бөлшектемелі блок-контейнерлері зауыттан толығымен дайын күйде шығарылатын панельдерден және бұрышқа арналған тіреулерден тұрады. Блок-контейнер қаңқасының негізін табан және үстіңгі жабын панельдерімен бір жақтауға біріктірілген бұрышқа арналған болат тіреулер құрайды. Қабырғаларды көтеру үшін терезелері мен есіктері алдын ала орнатылып қойылған, кесілген ойықтары арқылы біріктірілетін қабырға панельдері қолданылады.

Блок-контейнер дәнекерлеусіз бұрандамамен бекітілген бөлшектер арқылы құрастырылады.

Вахталық ауылдар, модульдік ғимараттар

Тез тұрғызылатын модульдік ғимараттар негізіндегі вахталық ауылдар – жаңа аймақтарды игерумен және қолданыстағы өндірістік алаңдарды кеңейтумен айналысатын қазіргі заманғы компаниялар қызметкерлерінің жұмысы мен тұрмысына қажетті жағдайларды ұйымдастыруға арналған ең тиімді тәсіл.

Модульдік ғимараттардың пайдаланылатын негізгі мақсаттары:

• Вахталық ауылдар, әкімшілік-тұрмыстық кешендер,
• Толығымен жабдықталған жатақханалар мен асханалар
• Кір жуатын орындар, монша-сауналар, душ бөлмелері, дәретханалар, киім-кешек ілетін бөлмелер, кір кептіретін жайлар
• Тұрмыстық бөлмелер, күзет орындары, сауда ғимараттары, сауда нүктелері, кафе, шағын наубайханалар, тамақтану орындары
• Прораб орны, шеберханалар, қоймалар мен қосымша құрылыстар, өндірістік жайлар, аккумуляторлық, сорғы стансалары

Қызметкерлерге арнап қауіпсіз еңбек пен тұрмыс жағдайларын жасау еңбектің өнімділігі мен тиімділігіне әсер ететін маңызды психологиялық фактор болып табылады. Кез-келген климаттық және сейсмикалық жағдайларда пайдалануға жарамды заманауи құрылмалар, материалдар мен жабдықтар, сондай-ақ, тұрғызылатын ауылдар мен модульдік ғимараттарды жабдықтауда кешенді тәсілдемені ұстану біздің алдымызға қойылған қызмет жүргізуге жайлы жағдайларды жасау бойынша міндеттерді сәтті шешуге мүмкіндік береді.

Құрылыс алаңының ауданына және Тапсырыс берушінің қажеттіліктеріне байланысты құрамалы панельдік құрылмалар негізіндегі модульдік ғимараттар мен блок-контейнерлердің сан алуан сәулеттік пішіндері және қажетті жоспарлау шешімдері болуы мүмкін.

Жеке тұратын блок-контейнерлермен салыстырғанда, модульдік кешендердің сөзсіз артықшылығы әртүрлі мақсаттарда пайдалануға арналған бірқатар бөлмелерді бір ғимарат ішінде біріктіруге болатындығында жатыр.

ҚПҚ және блок-контейнерлер негізіндегі ғимараттар төбе жабындысы металл жабыңқыштан немесе мырышпен қапталып, пішінделген полимерлік қабаты бар табақтан жасалған бір, екі немесе төрт жақты ортақ шатырмен жабылған бір, екі немесе үш қабат түрінде құрастырылуы мүмкін.

Ғимараттар кез-келген іргетастың (таспа, блок, қада, құбыр түріндегі) үстіне құрастырыла алады.

Жеке тұратын немесе оқшауландырылған ғимараттарда келесі инженерлік желілер мен жүйелер орнатылуы мүмкін:

• Ыстық және суық сумен қамтамасыз ету
• Кәріз жүйесі
• Электр, су, бу арқылы жылыту
• Электрмен қамтамасыз ету және жарықтандру,
• Ауаны алмастыру және салқындату
• Күзет-өрт дабыл жүйесі және өртті сөндіру жүйесі

Модульдік ғимараттарды құрастыру бұрандамамен бекітілген бөлшектер арқылы жасалады. Модульдік ғимараттарды құрастыру кезінде «ылғал үдерісі» деп аталатын жағдайлар болмайды, бұл жылдың кез-келген мерзімінде жұмыстарды жүргізуге мүмкіндік береді.

Компания жоғары білікті мамандардың күшімен үлгілік және дербес жобалар бойынша дайындалған блок-контейнерлер негізіндегі модульдік ғимараттарды құрастыру бойынша қызметтерді және құрастыру үстінен басқару жүргізу қызметтерін ұсынады.

Қазақстан Республикасы нарығында біздің компания өзін сенімді әрі тұрақты серіктес ретінде танытты. Тәжірибесі мол қызметкерлер құрамы, жобалау, өндірістік және құрылыс бөлімшелерінің болуы бізге қысқа мерзім ішінде Тапсырыс берушінің барлық талаптары мен сапа стандарттарына жауап беретін ауылдарды салуға мүмкіндік береді.

Біздің компанияның негізгі бәсекелестік артықшылығы вахталық ауылдарды салуда кешенді тәсілдемені қолдануында жатыр, біз оны өз жобаларымызда сәтті жүзеге асырып келеміз.

Вахталық ауылды салу жобасының жүзеге асырылу барысын алты кезеңге бөлуге болады:

1. Ауылды жобалау. «Мұнай Құрылыс» Қазақстан Құрылыс компаниясы» ЖШС мамандары Тапсырыс берушінің ерекше талаптарын, құрылыс алаңындағы топографиялық түсірмелер мен геологиялық ізденістерді ескере отырып, ғимаратттардың жоспарлау шешімдерін және ауылдың бас жоспарын әзірлейді. Жобалау жұмыстарын аяқтаған соң, құжатнама Тапсырыс берушімен келістіруге жіберіледі.

2. Құрамалы панельдік құрылмалар мен блок-контейнерлерді жасап шығару. Техникалық тапсырманы Тапсырыс берушімен келістірген соң, «Мұнай Құрылыс» Қазақстан Құрылыс компаниясы» ЖШС модульдік ғимараттарды жасап шығарып, қажетті жабдықпен, жиһазбен толығымен жабдықтап шығады. Қажет болған жағдайда біздің компания вахталық ауылды тұрғызуға қатысты дербес жобаны әзірлейді.

3. Жеткізу. Құрамалы панельдік құрылмалар, блок-контейнерлер, вахталық ауылды тұрғызуға қажетті жабдық пен материалдарды «Мұнай Құрылыс» Қазақстан Құрылыс компаниясы» ЖШС құрылыс алаңына теміржол көлігімен және автокөлікпен жеткізеді.

4. Ғимараттар мен құрылыстарды құрастыру. Біздің компания құрылыс алаңына жеткізілетін ҚПҚ, блок-контейнерлер, жабдықтар мен жүйелердің зауыттан жоғары деңгейде толығымен дайын күйде шығарылуы есебінен вахталық ауылдарды құрастыруға аз уақыт жұмсайды.

5. Тіршілікті қамтамасыз ету жүйелеріне қосу. Ғимараттарды құрастыру аяқталған соң, олар қолданыстағы орталықтандырылған желілерге немесе «Мұнай Құрылыс» Қазақстан Құрылыс компаниясы» ЖШС жеткізген келесі автономды жүйелерге қосылады:

• Электрмен қамтасыз ету: газбен және дизельмен жұмыс жасайтын піспекті электр стансалары
• Жылумен қамтамасыз ету: модульдік қазандықтар
• Шаруашылық-тұрмыста және өнеркәсіпте пайдаланылған суларды тазалау жүйелері
• Суды дайындау жүйелері

6. Жұмыстарды қабылдау. Вахталық ауылды тұрғызу жұмыстары аяқталған соң, қолданыстағы құрылыс нормаларына және Тапсырыс берушінің талаптарына сәйкес келуі жағынан оны қабылдау жүргізіледі.

Тапсырыс берушінің вахталық ауылды салу бойынша жобасын аяқтаған соң, вахталық ауыл пайдаланумен байланысты қасиеттерін жоғалтпастан, қайта бөлшектеліп немесе жаңа орынға көшіріле алады.